കവിത

*പ്രളയാനന്തരം  **   (കവിത)

വാനിൽ സൗവർണ്ണധൂളികൾ ..താരക

ദീപജാലങ്ങളെ കണ്ടു  നിൽക്കവേ 

ദൂരെയെങ്ങോ മറയുന്ന മിന്നലിൽ 

ധ്വനിമുഴക്കിയ രികിലെത്തുന്നവോ

കുളിരുപോലെ ചിതറുന്ന തുള്ളികൾ 

കരളിലാകെ നിറയ്ക്കുന്നു കൗതുകം

ഒരു നനുത്ത മഴത്തുള്ളിയായി നീ ഇരവിലെത്തിയെൻ  ജാലകവാതിലിൽ 

എൻറെ രക്തവും മാംസവും ജീവൻറെ -

യുപ്പുമെന്നിൽ  നിറച്ചു തരുന്നവൾ 

പുഴയൊരോർമ്മ..., നിറയുന്ന 

സ്നേഹവും

 കനിവുമെന്നിൽ പകർന്നു തരുന്നവൾ

 മാരി പെയ്തു നിറഞ്ഞ പമ്പാനദി

 തേടിയെത്തിയെൻ ഉമ്മറവാതിലിൽ

 ഇന്നു നീയെൻറെ ജാലകവാതിലിൽ ആരെയാവാം തിരയുന്നതങ്ങനെ...?

ഒടുവിൽ എന്തേപിണക്കമായോ സഖീ 

രൌദ്രമാടിത്തിമർക്കുകയാവുമോ 

മരണ കാഹളം നീമുഴക്കീടവേ 

മനമുരുകി ശപിച്ചു പോകുന്നിതാ.....